黃之鋒指出，今次是中學生團體首度申請遊行往中聯辦，「希望開先河，話畀中學生聽，遊行去中聯辦唔係一件激進嘅事」。不過，黃昨與警方七名代表會面，卻出現「麥兜式」對話。
警方代表聲稱學民有「很多選擇」，包括「常餐」和「特餐」。前者建議凌晨2時才於中聯辦門外集會，即人民力量集會完結之後；後者則建議在晚上7時之前抵達中聯辦，「我問佢點解一定要7點之前，佢話因為天文台話7點太陽落山」。警方又不肯開放行車線，要求他們走行人路。
黃之鋒批評，警方的反建議荒謬可笑，明顯故意刁難。7.1遊行人數眾多，學民不可能四小時內由維園行抵中聯辦，「警察仲話政總行去中聯辦九個字（45分鐘）就到，咁多人邊有可能？當我地唔識嘢。我哋要拉十幾呎長 banner（橫額），點上行人路？其他市民邊有位行？點解警察連中學生都驚？」
Search